|
Hátíðar - og baráttufundur SÁÁ |
|
|
|
sunnudagur, 02 október 2011 |
|
Hátíðar- og baráttufundur SÁÁ verður miðvikudaginn 5. október klukkan 20:00 í Háskólabíói. Í boði er glæsileg dagskrá: Mugison, Diddú, Ari Eldjárn, Bjarmar, Einar Már og Blágresi, Ham, Karlakórinn Fóstbræður og margt fleira. Kynnir verður Freyr Eyjólfsson.
Á undan fundinum verður kynning í andyrinu á fjölmörgum 12 spora-samtökum og öðrum félögum, samtökum og stofnunum sem sinna fíknisjúkdómum með einum og öðrum hætti. Kynningin hefst klukkan 17:30. Klukkan 18:00 verður í stóra salnum forsýning á stuttmynd Marteins Þórssonar, Prómill, en í henni leikur Ólafur Darri Ólafsson drykkjumann sem vafrar kenndur og ölvaður í gegnum daginn. Í hliðarsal verður boðið upp á stutta fyrirlestra frá klukkan 18:30. Þórarinn Tyrfingsson mun fjalla um hugmyndafræðina að baki meðferð SÁÁ, Lárus Blöndal mun fjalla um vanda barna alkóhólista og Halldóra Jónasdóttir mun fjalla um gildi fjölskyldumeðferðar. SÁÁ hvetur alla landsmenn til að koma í Háskólabíói og fræðast og skemmta sér; en ekki síður til að sýna samstöðu með réttinda- og hagsmunabaráttu áfengis- og vímuefnasjúklinga og fjölskyldna þeirra.
 |
