Nú  hefur Lundur starfað í á fjórða  ár, aðstoðað marga með ráðgjöf, fyrirlestra og annars konar fræðslu, aðallega hvað varðar afleiðingar af misnotkun ávana efna. Farið í skóla, fyrirtæki og stofnanir. Til þess að geta rekið slíka starfsemi þarf fólk að nýta sér þetta betur.

Það líður varla sá dagur að ekki komi í fréttum að þetta margir hafi verið teknir fyrir áfengis eða fíkniefna akstur, og jafnvel með töluvert af efnum til sölu, líkamsmeiðingar og önnur ofbeldisverk, innbrot jafnvel framin, farið heim til sofandi fólks og það lamið .

Allir þeir einstaklingar sem eru á þessum ógæfu stað, eiga foreldra, systkini, vini og aðra ættingja  sem eru aðstandendur þeirra, og líða fyrir það, margir hverjir. Aðstandendur sem fyllast ótta, kvíða, svefnleysi  og verða einfaldlega andlega gjaldþrota. Þótt þeir einstaklingar sem eru í áfengi  og/eða  öðrum efnum séu ekki tilbúnir til að leita sér hjálpar, þá er það alveg lífsnauðsynilegt fyrir þá aðstandendur sem standa þeim næst, það get ég sagt út frá eigin reynslu.

Ef ég hefði ekki leitað mér aðstoðar sem aðstandandi og fengið hjáp með mína meðvirkni, væri ég sennilega inni á einhverri stofnun núna,  eða hreinlega undir grænni torfu. Svo alvarlegt getur þetta orðið.

Enginn getur hjálpað okkur nema við viljum það sjálf. Til þess að geta hjálpað börnunum okkar eða öðrum, þá verðum við að vera í lagi sjálf, vita og þekkja hvað við getum gert.

Til þess að vita , geta og þekkja, verðum við að FRÆÐAST um þennan vágest, sjúkdóminn í heild sinni. ÞAÐ ER STAÐREYND. Lundur bíður upp á þá þjónustu sem þörf er á.

Langar til að láta vita af því að bæklingur fyrir foreldra, eins konar handbók er kominn vel á veg, fer í prentun á næstunni og verður sendur í öll hús á suðurnsejum.

0 Athugasemdir

Netfang Nafn Vefsíða		Athugasemd minna | stærra
		Ég hef lesið og samþykki Skilmálana. Skrifaðu stafina sem eru sýndir Bæta við athugasemdum