|
Ég hlustaði á móður sem á dreng í fangelsi og fór því að hugsa svolítið um það hvort þetta sé endilega rétta leiðin .
Mér finnst þegar það er verið að senda mjög ungt fólk í fangelsi sem er jafnvel enn í neyslu, er ekki tilbúið og hefur ekki þroska til að taka þá ákvörðun um að það vilji breytt ástand. Þegar fólk í þessari stöðu og er sett þarna inn er oftar en ekki, ekkert annað sem bíður þeirra en meiri neysla og enn meiri fróðleikur um undirheima landsins. Þeir sem fara í þessu ástandi t.d. inn á Litla hraun koma mjög líklega forhertari út. Lenda aftur og aftur í útistöðum við lögin og ná ekki eða eiga erfitt með að fóta sig í lífinu. Ég veit að það kostar þjóðfélagið mikið að vista fólk inni, en hvað kostar að hafa þetta fólk úti þar sem það hefur ennþá meiri eyðileggingar mátt ? Sjúkra, læknis, trygginga, lögæslu og annar kostnaður svo ekki sé minnst á aðstandendur þessa fólks. Held að þetta sé miklu miklu dýrara þegar uppi er staðið. Væri ekki hægt að finna betri stað ? Reyna að hjálpa þeim á uppbyggilegri hátt. Hvað t.d með að nota einhvern heimavistaskólann ? Núpur í Dýrafirði gæti t.d hentað vel að mínu mati. Ráða þar t.d. ráðgjafa, Sálfræðinga, Geðlækna og/eða þá sem þarf til að svona staður virki. Það væri hægt að vera með einhverskonar búfénað þarna og hina ýmsu ræktun, þar sem allir myndu gegna ákveðnu hlutverki. Sem sagt afeitrun, fræðsla, sjálfstyrking, agi, vinna o.s.fr. Þetta er eitthvað sem vert er að skoða held ég Erlingur Jónsson 772-5463
Þetta netfang er varið fyrir ruslrafpósti, þú þarft að hafa Javascript virkt til að skoða það
 |
