|
Nú eru erfiðir tímar hjá okkur landsmönnum því miður, allt að hrynja hjá og í kring um okkur, einhvern vegin hefur það gerst á ógnar hraða. Hvað ætlum við að gera ? TAKA ÞÁTT Í ÞESSU ? NEI TAKK helst ekki, en getum við eitthvað gert ?
Við höfum svo sem lítið sem ekkert með þetta að gera, en við getum hugsað um okkar eigin líðan. Allir okkar draumar, væntingar, óskir um betra líf og góða framtíð hverfa á einu augnabliki eins og dregið hafi fyrir sólu, EF við leyfum því að gerast. Látum EKKI hugfallast, verum bara ekki með í þessu leikriti, það eru lélegir leikarar sem fara með aðal- hlutverkin og þeim hefur ekki tekist vel til. Við verðum að halda okkar striki, þó svo að við verðum vör við kvíða, ótta, þunglyndi, reiði og aðrar slæmar tilfinningar. Það eru til fullt af hjálpartækjum, t.d aðstoð sem við höfum aðgang að. Við verðum bara einfaldlega að bera okkur eftir henni, hún kemur ekki til okkar, svo mikið er víst. Verum fyrri til, leitum aðstoðar, verjum heilsu okkar gegn þessum kvillum, brjótum odd af oflæti okkar og verum stollt af því. Eitt viðtal getur gert gæfumunin og komið okkur af stað til að fara að hugsa um eigin líðan, um leið og okkur fer að líða vel þá verður allt svo miklu betra í kringum okkur. Hver kannast ekki við það að kenna alltaf öðrum um til að koma athyglinni frá sjálfum sér. Þetta er því miður mjög algengt fyrirbæri, sérstaklega hjá þeim sem eiga við áfengis og/eða fíkniefnavanda að stríða, nú eða kvíða, þunglyndi og fl. Afneitunin er svo mikil að það er ótrúlegt. Hvað þarf að fórna miklu áður en eitthvað er að gert ? Yfirleitt er það öll fjölskyldan sem verður fyrir þeirri óskemmtilegu reynslu. Það er ekki til sú fjölskylda sem ekki er í sárum ef einhver innan hennar er í neyslu, hvort sem það er barn, maki eða foreldri. Þegar svona er komið, er mjög erfitt að græða þau andlegu og líkamlegu sár sem orðið hafa af völdum þessa sjúkdóms. Enn og aftur, hvað er til ráða ? Nýta þau hjálpartæki og sem við höfum, LUNDUR eitt þeirra. Minni á dagskránna á mánudögum, það er líka hægt að fylgjast með því sem er að gerast hjá Lundi á www.lundur.net . ÞÚ mátt hafa samband í síma 772 5463 á milli kl. 11- 13 alla virka daga, kannski þarftu bara að spyrja um eitthvað, nú eða smá spjall. Yfirleitt er líka minnsta mál að finna annan tíma til að hittast í Lundi. Mundu, LUNDUR er fyrir alla sem þurfa á aðstoð að halda vegna áfengis og vímuefna, ALLA. Okkar bestu óskir um friðsæla og gleðilega hátíð. Erlingur Jónsson
Þetta netfang er varið fyrir ruslrafpósti, þú þarft að hafa Javascript virkt til að skoða það
772-5463 og 864-5452
 |
